Events
जुरिच फेस्पो २०१० मा नेपालको सहभागिता 2010-01-28 — 2010-01-31स्वीट्जरल्यान्डस्थित नेपाली दूतावासले गैरआवासीय नेपाली - स्वीट्जरल्यान्डको सहयोगमा जुरिचमा यही जनवरी २८-३१ सम्म आयोजित अन्तर्राष्ट्रिय पर्यटन मेला, फेस्पो २०१० मा सहभागिता जनाएको थियो ।
फेस्पो २०१० को नेपाल स्टलको उद्घाटन गर्नुहुँदै स्वीट्जरल्यान्डका लागि नेपाली राजदूत डा. दिनेश भट्ट्र्राईले फेस्पो पर्यटन मेलाको अवसरमा नेपाली पर्यटन क्षेत्रसम्बन्धी गरिएको प्रवर्द्धनले नेपाल पर्यटन वर्ष २०११ लाई टेवा पुग्ने कुरा बताउनुभयो ।
उक्त कार्यक्रममा बोल्नुहुँदै उहाँले गैरआवासीय नेपाली- स्वीट्जरल्यान्डप्रति आभार प्रकट गर्नुभयो र सो संस्थाबाट भविष्यमा थप सहकार्यको अपेक्षा पनि गर्नुभयो ।
त्यसैगरी गैरआवासीय नेपाली-स्वीट्जरल्यान्डका अध्यक्ष डा. विनय श्रेष्ठले नेपालको आर्थिक कूटनीति प्रवर्द्धन गर्ने कार्यमा दूतावासका प्रयासको सराहना गर्नुहुँदै आगामी कार्यक्रमहरुप्रति नेपाली आप्रवासीहरुको प्रतिवद्धता प्रकट गर्नुभयो ।
