परियोजना विवरण

एसएमइलिंक (SMElink) परियोजना नेपाली साना एवम् मझौला उद्योगहरुको प्रचारप्रसार गर्ने कार्यमा समर्पित छ । नेपालको गरिबी घटाउन युरोपेली सङ्घले यो कार्यक्रम सुरु गरेको हो । युरोपेली सङ्घले प्लानेट फाइनान्सलाई यस क्षेत्रको गहन अनुभवको आधारमा परियोजना कार्यान्वयन गर्न चयन गरेको हो । यो परियोजनाले आफ्ना उद्यमीहरूबीचको व्यावसायिक सम्बन्ध विकास र व्यवसायसम्बन्धी योजनाहरूको तर्जुमा लगायत व्यवसायवृद्धि सेवाहरूको प्रावधानलाई समेट्नेछ ।

एसएमइलिंक युरोपेली एसिया इन्भेट कार्यक्रमअन्तर्गत सन् २००७ सेप्टेम्बरमा आरम्भ गरिएको तीन वर्षीय परियोजना हो । युरोपेली तथा दक्षिण एसियाली बजारहरूमा निर्यात वृद्धि गर्न नेपाली साना एवम् मझौला उद्योगहरूको विक्री-योग्यता तथा प्रतिस्पर्धात्मक क्षमता विकास गर्नु यसको लक्ष्य हो ।

इच्छुक नेपाली उद्यमीहरूलाई सहभागी भई आफ्ना व्यवसायको प्रचारको अवसर हासिल गर्न वर्षेनि तालिम तथा व्यापार मेलाहरू आयोजना गरिनेछन् । हरेक वर्षको अन्त्यमा पाँच साना एवम् मझौला उद्योगले उत्कृष्ट लघु उद्योग पुरस्कार पाउनेछन् ।

पहिलो वर्षको सुरुवातमा गरिने प्लानेट फाइनान्सको बजार सर्वेक्षणमा आधारित भई हरेक वर्षनेपालका विभिन्न साना एवम् मझौला उद्योगहरू छानिनेछन् । यसरी छानिएको हरेक साना एवम् मझौला उद्योगका लागि वर्षेनि व्यावसायिक योजनाहरू (Business plans) बनाइनेछन् । छनोट गरिएका उद्योगरूलेे व्यवसायिक योजना तर्जुमा गर्न परियोजना अवधिभर सहयोग पाउनेछन् ।

साना एवम् मझौला उद्योगहरूको युरोपेली तथा दक्षिण एसियाली बजारहरूमा पहुँच बढाउन प्लानेट फाइनान्सले निम्न सेवाहरू प्रदान गर्नेछ :

पहिलो वर्षः यो (एसएमइलिंक) परियोजना छनोट गरिएका साना एवम् मझौला उद्योगलाई सघाउने खालका विधिहरूमा केन्द्रित हुनेछ ।

यी विधिहरू व्यवसाय प्रचारका निम्ति हुन् जस्तै : वेब पोर्टलको सिर्जना तथा थालनी र युरोपेली तथा दक्षिण एसियाली बजारहरूमा नेपाली वस्तुहरूको माग एवम् आपूर्तिबजार बारे सर्वेक्षण ।

यो परियोजना अवधिमा वस्तु र सेवाक्षेत्रको छनोटका अतिरिक्त युरोपेली तथा दक्षिण एसियाली साना एवम् मझौला उद्यमी साझेदारहरू पहिचान गरिनेछन् र व्यावसायिक साझेदारी स्थापना गर्न नेपाली उद्यमीहरूसँग उनीहरूको सम्बन्ध स्थापना गरिनेछ । त्यसकासाथै स्थानीयस्तरमा व्यवसायिक पुँजीमा पहुँच कसरी पुर्‍याउने भन्नेबारे पनि नेपाली उद्यमीहरूलाई तालिम दिइनेछ ।

दोस्रो वर्षः एसएमइलिंकले नेपाली उद्यमीहरूलाई व्यवसाय कार्यशैली अभिवृद्धिसम्बन्धी सेवाहरू प्रदान गर्ने कार्य जारी राख्नेछ ।

परियोजनाको पोर्टलमार्फत यी सेवाहरू प्रदान गरिँदा उद्यमीहरू विश्व सूचना समाजको एक हिस्सा बन्न सक्षम हुनेछन् । साथै उद्योग सञ्चालन विधिहरू, स्तरीय उत्पादन नियन्त्रण तथा उत्पादन विक्री-वितरणलाई प्रभावकारी तुल्याउन तालिम दिइनेछ ।

तेस्रो वर्षः एसएमइलिंक नेपाली साना तथा मझौला उद्यमीहरूको सहभागिताका लागि उपयुक्त व्यावसायिक वातावरण सुनिश्चित गर्ने कार्यमा केन्द्रित हुनेछ ।

युरोपेली बजारहरूमा हुने नेपाली साना एवम् मझौला उद्योगहरूको प्रवेशलाई कायगोष्ठीहरू तथा एसएमइ मूल्यांकन विधिको प्रयोगमार्फ अनुगमन गरिनेछ । परियोजनाको अन्त्यमा उत्कृष्ट लघु उद्योग पुरस्कारका अतिरिक्त पच्चीस साना एवम् मझौला उद्योगले प्लानेट फाइनान्सद्वारा तयार गरिएको निजी वेबसाइट प्राप्त गर्नेछन् भने अर्का पच्चीसले ल्यापटप कम्प्युटर पाउनेछन् ।

यस तीन वर्षीय परियोजनाको अन्त्यमा पारदर्शी तथा विश्वसनीय व्यावसायिक वातावरण सिर्जना गर्न आपसी पहिचानमा सुधार ल्याउँदै र आफ्ना प्रविधिहरूलाई अनुकूल तुल्याउँदै एकअर्कासँग व्यवसाय गर्न नेपाली, दक्षिण एसियाली तथां युरोपेली उद्यमीहरूलाई विधिहरू प्रदान गरिनेछ ।