नेपाल हस्तकला महासङ्घ
सामान्य विवरण
हस्तकला व्यवसाय तथा उद्योगलाई विकास र प्रवर्द्धन गर्न सन् १९७२-मा नेपाल हस्तकला
महासङ्घ (FHAN) को स्थापना भएको हो । यसलाई नेपालको सङ्घसंस्था दर्ता
ऐन अन्तर्गत दर्ता गरिएको छ । यो निजी व्यवसायक्षेत्र तथा शिल्पकर्मी समुदायको
सेवामूलक मुनाफारहित संस्था हो । उत्पादकत्वमा सुधार ल्याउन, बजार अन्वेषण गर्न र
अन्तर्राष्ट्रिय जगतसँग परिचित हुन यसले आफ्ना सदस्यहरूलाई सहयोग गर्छ । यसको मूल
उद्देश्य हस्तकला व्यवसाय तथा उद्योगलाई निरन्तर वृद्धि गर्ने दिशामा उन्मुख हुनु
हो ।
मानवीय श्रोतसाधन
नेपाल हस्तकला महासङ्घका २१ सदस्यीय निर्वाचित समिति, २६ कर्मचारीसहितको सचिवालय र
२०- भन्दा बढी क्रियाशील तथा वस्तु विकास समिति छन् ।
अध्यक्ष : श्री पुष्करमान शाक्य
कार्यकारी सचिव : श्री दिलीप खनाल
महासंघको विषयसम्बन्धी अनुभव, मुख्य क्रियाकलापहरु तथा लाभान्वित समूह
नेपाल हस्तकला महासङ्घ नेपाली हस्तकला उद्योगहरूको हितमा काम गर्छ । कालिगढ,
उत्पादक, वितरक तथा निर्यातकर्ताहरू यसका लाभान्वित समूह हुन् । यसका मुख्य
क्रियाकलाप देहायबमोजिम छन् :
१. हस्तकला उत्पादन निर्यात चलानी पु्र्जीको प्रमाणीकरण
२. घरेलु जनावरका अङ्गहरूबाट बनेका हस्तकला वस्तुहरूको प्रमाणीकरण
३. हस्तकला व्यवसाय तथा उद्योग सुदृढीकरणसँग सान्दर्भिक विभिन्न शीर्षकहरूमा गोष्ठी,
सभा र सम्मेलन आयोजना गर्ने ।
४. हस्तकला वस्तुहरूबारे जानकारी दिन तथा यिनको प्रयोगबारे जनचेतना जगाउन प्रदर्शनी
तथा व्यापार मेलाहरू आयोजना गर्ने ।
५. हस्तकला वस्तुहरूका लागि थप बजारहरू अन्वेषण गर्ने ।
६. उच्चतम निर्यात र उत्कृष्ट कालिगढीलाई सम्मान गर्न पुरस्कारको व्यवस्था गर्ने ।
७. अन्तर्राष्ट्रिय व्यापार मेला तथा प्रदर्शनीहरूमा सहभागिताका लागि प्रबन्ध गर्ने
।
८. हस्तकला व्यवसाय तथा उद्योग प्रवर्द्धन गर्न समाचार बुलेटिन, पुस्तक, क्याटालग,
सदस्यडाइरेक्टरी र अन्य सान्दर्भिक सामग्रीहरू प्रकाशन गर्ने ।
९. हस्तकला डिजाइन तथा विकास केन्द्रमार्फ डिजाइनसम्बन्धी सेवा प्रदान गर्ने ।
परियोजनाहरू
नेपाल हस्तकला महासङ्घ एसएमइलिंक परियोजनामा साझेदार संस्थाको रूपमा संलग्न छ ।
परियोजनाले महासङ्घलाई हस्तकला उद्योगको क्षमता विकाससम्बन्धी कार्यक्रमहरू
कार्यान्वयन गर्ने केन्द्रबिन्दुको रूपमा परिकल्पना गरेको छ । यसका अतिरिक्त
परियोजनाले महासङ्घलाई तीन वर्षेका लागि हस्तकला व्यापार मेला आयोजना गर्ने जिम्मा पनि
सुम्पेको छ ।
महासङ्घ विगतदेखि विभिन्न परियोजनाहरूमा संलग्न हुँदैआएको छ । उदाहरणका लागि एसिबोन
यस्तो परियोजना हो जसले युरोपमा व्यवसाय गर्न मध्यस्थकर्ता संस्थाहरूको क्षमता
अभिवृद्धि गर्छ । क्षमता अभिवृद्धि गर्न नेपाल हस्तकला महासङ्घले आफ्ना सदस्य
सङ्गठनहरूलाई संलग्न गराएको छ ।
विगतमा नेपाल हस्तकला महासङ्घले विभिन्न परियोजनाहरू कार्यार्न्वयन गर्यो जसमध्ये
केही महत्वपूर्ण देहायबमोजिम छन् :
| अवधि |
परियोजनाको उद्देश्य |
परियोजनाका अङ्गहरू |
सहयोगी साझेदार |
| २००० |
अमेरिकी बजारका लागि हातेकागज बनाउन |
कम्पनीहरूको छनोट
उत्पादनहरूको छनोट
उत्पादनहरूको विक्री-वितरण |
संयुत्त राज्य अमेरिका अन्तर्राष्ट्रिय विकास नियोग |
| २००२-२००४ |
जापानी बजारका लागि घरभित्र लगाउने चप्पल बनाउने |
चप्पल बनाउने तालिम
मेसिन खरिदका लागि ऋण
उत्पादनको अनुगमन
जापानको व्यापार मेलामा सहभागिता |
निर्यात प्रवर्द्धन बोर्ड, नेपाल |
| २००३-०४ |
हातेकागजबाट निर्मित वस्तुहरूको विविधीकरण |
कम्पनीहरूको छनोट
मेसिन खरिदका लागि ऋण
उत्पादनको अनुगमन |
निर्यात प्रवर्द्धन बोर्ड, नेपाल |
| २००५-०७ |
सेरामिकका लागि माटोको खाल्डो निर्माण |
ऋण लिएर जग्गा खरिद
माटो प्रशोधन एकाइको स्थापना
सुधारिएको माटोको बिक्री |
लघु, घरेलु एवम् साना उद्योग विकास कोष, नेपाल सरकार |
| २००७ |
बाँसका सामग्रीहरुको लागी पूर्वाधार |
ऋण लिएर मेसिनरी खरिद
बाँसका चिरा बनाउने तालिम
तयारी सामानको बिक्री-वितरण |
लघु, घरेलु एवम् साना उद्योग विकास कोष, नेपाल सरकार |
आगामी वर्षहरुका लागि रणनीति
नेपाल हस्तकला सङ्घलाई हालसालै महासङ्घमा परिणत गरिएको छ । यसको मुख्य चासो हस्तकला
वस्तुहरूको निर्यात वृद्धि गर्ने दिशामा आफ्ना सदस्यहरूलाई सबल तुल्याउनु हो ।
अन्य साझेदारहरूको चिनारी
